ខេត្តកំពង់ស្ពឺ ៖ ភិក្ខុ នូ ជិន ចៅអធិការវត្តត្រែងត្រយឹង ខេត្តកំពង់ស្ពឺ បានដឹកនាំវត្តអស់រយ:ពេល33ឆ្នាំទៅហើយ តែសមិទ្ធិផលនានាក្នុងវត្តហាក់មិនឃើញអ្វីជាដំកំពួន ពិសេសព្រះវិហារមួយកសាងមកដល់ពេលនេះ នៅតែមិនទាន់ហើយ តែបែរឃើញឈ្មោះចៅអធិការនេះ មានលុយទិញដីចំនួន7ប្លង់ នៅស្រុកកំណើតរបស់ភិក្ខុនេះទៅវិញ ។
ដោយអស់ជំនឿទៅលើចៅអធិការអង្គនេះ
កាលពីថ្ងៃទី២៨ ខែមករា ឆ្នាំ២០២៦ ប្រជាពុទ្ធបរិស័ទចំនួន410គ្រួសារបាននាំគ្នាផ្តិតមេដៃ សុំទៅថ្នាក់លើដកចៅអធិការនេះចេញ
តែការស្នើនេះត្រូវបានបរាជ័យ ដោយថ្នាក់លើ
ទុកចៅអធិការនេះដដែល ។
តាមសំដីអ្នកភូមិបានប្រាប់អោយដឹងនៅថ្ងៃទី18 ខែឧសភា ឆ្នាំ2026 នេះថា វត្តនេះបានបោះឆ្នោតរើសគណៈកម្មការអាចារ្យហើយ គឺលុយកាក់បានពីបុណ្យទាន ចំណូល ឬចំណាយ គឺត្រូវមានគល់បញ្ជីច្បាស់លាស់ ។ ឥឡូវនេះផែនការចំពោះមុខ គឺថ្នាក់លើជំរុញអោយចៅអធិការអង្គនេះកសាងព្រះវិហារអោយហើយ ។
ប្រជាពុទ្ធបរិស័ទភាគច្រើនដែលមិនគាំទ្រចៅអធិការនេះ បាននាំគ្នាទៅធ្វើបុណ្យនៅវត្តផ្សេង ។ សំណួរសួរថាបើវត្តមួយមិនមានប្រជាពុទ្ធបរិស័ទគាំទ្រ តើវត្តនោះអាចរីកចំរើនយ៉ាងដូចម្តេចទៅ បើក្នុងមួយសីលបានរកចំណូលបានតែ10ម៉ឺនរៀលនោះ ហើយតើព្រះវិហារនោះកសាងប៉ុន្មានសិបឆ្នាំទៅ ទើបរួចរាល់ ។
ពុទ្ធបរិស័ទបានសំដែងារខកចិត្ត ចំពោះថ្នាក់លើ ដែលមិនព្រមយកចៅអធិការថ្មី មកដឹកនាំកសាងវត្ត បែរជាទុកសង្ឃដែលប្រជាពុទ្ធអស់ជំនឿ ឬមួយសង្ឃនេះបានរត់ការ ឬមានខ្នងក្រាស់នៅខាងលើ ទើបថ្នាក់លើមិនយល់ដល់អារម្មណ៍របស់ពុទ្ធបរិស័ទចំណុះជើងវត្តយ៉ាងនេះ ៕
