រាជធានីភ្នំពេញ ៖ពិតជាខ្លាំងជាងលោក ប៉ាង លីដា អភិបាលរងខណ្ឌពោធិ៍សែនជ័យ មែន ទើបសំណង់ រំលោភចិញ្ចើមផ្លូវសាធារណះ២ទីតាំងនេះ នៅមានដដែល ។
រយះពេលជាច្រើនខែមកហើយ ដែលសំណង់២ កន្លែងដែលបានសង់រំលោភចិញ្ចើមផ្លូវសាធារណ: គឺស្ថិតនៅម្តុំការ៉ាស់សាំងភីធីធី ខាងលិចផ្សារព្រៃទា ខណ្ឌពោធិ៍សែនជ័យ រាជធានីភ្នំពេញ មិនទាន់វាយចេញ ហើយថែមទាំងគេបានលុបដានបាត់ទៅ ។
ប្រជាពលរដ្ឋមានលំនៅដ្ឋានម្តុំនោះបានប្រាប់មកអង្គភាពយើងខ្ញុំនៅថ្ងៃទី9 ខែមិនា ឆ្នាំ2026 នេះថា . ពួកគាត់ហួសចិត្ត នឹងលោក ប៉ាង លីដា ហេតុអ្វីមិនហ៊ានវាយកំទេចចោល អោយដូចកន្លែងផ្សេង ដែល លោកធ្លាប់អនុវត្តន៍ធ្វើកន្លងមក ឬមួយលោក មានភាពល្អូកល្អើនជាក្រុមថៅកែទាំងនោះ ។
គួររំលឹកថា កាលពីថ្ងៃទី៩ ខែកញ្ញា ឆ្នាំ២០២៥ កន្លងទៅ អាជ្ញាធរខណ្ឌពោធិ៍សែនជ័យបានចុះមកពន្យល់នឹងណែនាំអោយបងប្អូនប្រជាពលរដ្ឋទាំងអស់ដែលបានសង់សំណង់រំលោភផ្លូវសាធារណៈ នៅម្តុំផ្សារព្រៃទាមកខាងលិច និងផ្លូវចាក់ជ្រូក- សង្កាត់សំរោង ។ ក្រោយពីបានទទួលដំណឹងពីការកំណត់និងការទុកឳសានវាទរបស់សាលាខណ្ឌពោធិ៍សែនជ័យ ដឹកនាំដោយលោក ប៉ាង លីដា នោះមក ប្រជាពលរដ្ឋក៏បានចូលរួមអនុវត្តតាមការណែនាំ ដោយមិនហ៊ានបំពានច្បាប់អ្វីទៀតនោះទេ ព្រោះខ្លាចញញួរមាស របស់លោកប៉ាងលីដា ។
ប្រជាពលរដ្ឋសំណូមពរដល់លោក ប៉ាង លីដា សូមអនុវត្តន៍វាយកំទេចចោលអោយបានស្នើភាពគ្នា ការអនុវត្តបែបនេះ ធ្វើអោយមានការថ្នាំងថ្នាក់ពីប្រជាពលរដ្ឋ និងឈឺក្បាលដល់ឯកឧត្តមអភិបាលរាជធានីភ្នំពេញ ក៏ដូចសម្តេចនាយករដ្ឋមន្រ្តី ដោយគ្រាន់ប៉ុន្នឹងក៏នៅចាំរងចាំបញ្ជាពីថ្នាក់លើទើបអនុវត្តនោះ ចឹងយកញញួរមាសមកធ្វើអី បើមិនចេះប្រើយកទុកវិញល្អជាង ។
សូមបញ្ជាក់ថា ទីតាំងទីពីរ ។ ទី1 រោងសំយ៉ាបរបស់ការាស់សាំងតេលេ និងជាថៅកែការាស់សាំងPTT ទីតាំងនោះនៅទល់មុខគ្នា ។ ហើយទី2 គឺ របងឃ្លាំង នៅខាងត្បូងការាស់សាំងPTT ដែលតម្រូវអោយវ៉ៃចោល7ម៉ែត្រ8ទឹក តែក្រោយពីព័ត៌មានផ្សាយរបងនោះបានលាបថ្នាំថ្មី ដោយបានលុបអក្សរទាំងនោះអស់ទៅហើយ ។
លោកប៉ាង លីដា កាលពី1ខែមុន បានទទួលព័ត៌មានពីអង្គភាពយើងខ្ញុំ តាមតេឡេក្រាម និងយើងខ្ញុំបានសួរសំណួរមួយចំនួន ពាក់ព័ន្ធនឹងការអនុវត្តករណីខាងលើនេះ គឺលោកបានចូលមើលនឹងបានបាញ់ព័ត៌មានពីសកម្មភាពរបស់លោកអោយមើលវិញ ហើយនៅថ្ងៃទី9 ខែមិនា ឆ្នាំ2026 នេះលោកបានចូលមើលតែ មិនបានឆ្លើយតបអ្វីនោះទេ ។
ប្រជាពលរដ្ឋសង្ឃឹមថា ឯកឧត្តមអភិបាលរាជធានីភ្នំពេញ នឹងពិនិត្យរឿងនេះ ដោយមិនយោគយល់ បើខាងខណ្ឌពោធិ៍សែនជ័យទើសទាល់ មានតែដាក់កំលាំងពីសាលារាជធានីភ្នំពេញ ទើបគ្មានលេសនេះ លេសនោះបន្តតទៅទៀត ៕
