ឈួន សវិន ចៅអធិការវត្តកោះមេត្តាពោធិវង្ស ធ្លាប់មានរឿងអាស្រូវស្រីញី ?
ភ្នំពេញ : ឈួន សវិន ចៅអធិការវត្តកោះមេត្តាពោធិវង្ស ស្ថិតភូមិកោះអណ្ដែត សង្កាត់ទួលសង្កែទី២ ខ័ណ្ឌឬស្សីកែវ រាជធានីភ្នំពេញ ត្រូវបានប្រជាពុទ្ធបរិស័ទទំលាយមកថា កាលពីឆ្នាំ២០០៥-២០០៦ ព្រះសង្ឃនេះធ្លាប់មានស្រីញី នៅវត្តឧណ្ណាលោម ហើយត្រូវបានអាជ្ញាធរនឹងព្រះសង្ឃចាប់ផ្សឹក តែឥឡូវបែរជាមកមានភ័ព្វសំណាង ធ្វើជាចៅអធិការវត្តទៅវិញ ។
ទាក់ទិននឹងករណីព្រះវិន័យសង្ឃ ព្រះសុមេធវង្ស បណ្ឌិត សុខ ប៊ុនធឿន ព្រះអនុគណខណ្ឌមានជ័យ និងជាព្រះចៅអធិការវត្តនន្ទមុនី ធ្លាប់មានថេរដីកាបញ្ជាក់ថា តាមពុទ្ធបញ្ញត្តិ ប្រសិនបើភិក្ខុសេពមេថុនធម្ម គឺត្រូវ «អាបត្តិបរាជិក» ដែលមិនអាចត្រឡប់មកបួសជាភិក្ខុ ឬទទួលតំណែង និងតួនាទីក្នុងព្រះពុទ្ធសាសនាបានទៀតឡើយ។
នៅរសៀលថ្ងៃទី២២ ខែសីហា ឆ្នាំ២០២៦ ក្រុមការងារយើងតេទៅចៅអធិការវត្ត ឈួន សវិន លោកលើកតែលឺថាអ្នកព័ត៌មាន លោកបិទទូរស័ព្ទតែម្តង ជាមួយនោះតេឡេក្រាមដោយភ្ជាប់នឹងសំណួរផង លោកក៏បានចូលមើលតែមិនបានឆ្លើយតបអ្វីទាំងអស់ ។
អង្កភាពយើងខ្ញុំ រង់ចាំការបំភ្លឺគ្រប់ពេលវេលា ប្រសិនបើសាម៉ីខ្លួនមានការបកស្រាយ រាល់ម៉ោងធ្វើការ ៕
